Laurdag 8. februar blir det stille dag med Geir Gundersen i Spjelkavik kyrkje.
Tema: Med Jesus vil eg fara.
Laurdag 8. februar i Spjelkavik kyrkje blir det stille dag med Geir Gundersen. Tema: MED JESUS VIL EG FARA. «Då Jesus såg folkemengda, gjekk han opp i fjellet. Han sette seg, og læresveinane samla seg rundt han». Mt.5,1
Geir Gundersen er teolog og held til dagleg til i Oslo. Mange kjenner han frå oppveksten hans på Skodje eller har høyrt han i morgonandakter på radio. Han er forfattar av bøkene «Mi sorg er lys» og «God morgon. Radioandakter». No er det sjuande året Geir Gundersen held Stille dag i Spjelkavik kyrkje. Han vil undervise om stillheit og gi impuls til bøn. Han tek også imot til samtale.
Med Jesus vil eg fara
«Då Jesus såg folkemengda, gjekk han opp i fjellet. Han sette seg, og læresveinane samla seg rundt han». Desse orda frå Matteusevangeliet leier inn til stillheit, refleksjon og bøn over temaet: Med Jesus vil eg fara.
I kyrkja er det mogleg å finne ein stad til bibelmeditasjon; om det er i kyrkjerommet, i ein god stol i salongen eller på ein vandretur rundt kyrkja. Denne dagen er for den enkelte, til refleksjon over kjensler og perspektiv i eige liv.
Stillheita blir oppheva mot slutten av dagen, og det blir igjen samtale rundt matbord og fellessong ved middagbøn.
Påmelding
Det er påmelding til denne dagen og deltakarprisen inkluderer undervisning og bevertning.
Pris: kr.400.- Påmelding innan 3. februar til kyrkja sitt servicekontor: 70 16 53 00 eller til diakonen: 413 64 814
Du er hjarteleg velkommen!
Arr: diakoniutvalet i Spjelkavik kyrkje
Tema for Stille dag ved Geir Gundersen i Spjelkavik kyrkje
2018: Stille hos Gud
2019: Augneblinkens sakrament. Vi øver oss i å møte og lytte til Gud og oss sjølve, her og no.
2020: «Gje meg eit hjarte som kan høyre, Gud.»
2022: «Å sjå på livet saman med Gud, ope, undrande, vart.»
2023: «Deg vere ære for - kjærleiken som er sterkare enn døden»
2024: «Og endå vil eg visa dykk ein betre veg» (1.Kor.13)
2025: Med Jesus vil eg fara